Алматы, 2026 жылғы 15 шілде. Қазақстандағы Volkswagen брендінің ресми дистрибьюторы – Orbis Auto автомобиль тобы ел нарығына Volkswagen автокөліктерін жеткізу және брендтің модельдік қатарын кеңейту туралы Volkswagen China компаниясымен келісімге қол қойды. Автокөліктер сатылымы 2026 жылдың екінші жартыжылдығында басталады.
Келісім бойынша Volkswagen бренді Қазақстан нарығына қайта оралып, еліміздегі тұтынушылар үшін модельдік қатарын кеңейтеді. Өнім портфелін дамыту аясында нарыққа Volkswagen брендінің модельдік гаммасын толықтыратын Jetta желісі де шығады.
Volkswagen China компаниясы Қазақстанның автомобиль нарығының әлеуетін жоғары бағалайды және Orbis Auto-мен серіктестікті еліміздегі тұтынушылар үшін Volkswagen брендінің қолжетімді болуын қайта жандандырудағы маңызды кезең деп қарастырады. 
Келісім аясында Қазақстан нарығына Volkswagen-нің Bora, Passat, Tayron және Talagon модельдері жеткізіледі. Модельдік қатарды күнделікті тиімділік пен қолжетімді бағаға бағытталған Jetta брендінің VA7, VS7 және VS8 модельдері толықтырады. Бұл ретте, аталған желідегі автокөліктер Volkswagen-нің инженерлік шешімдеріне негізделген және брендтің сапа, инженерия әрі қауіпсіздік бойынша бірыңғай стандарттарын сақтай отырып, Volkswagen-нің жаһандық құрылымы аясында шығарылады.
Қазақстан нарығына арналған автокөліктерді жеткізу Volkswagen-нің Қытайдағы өндірістік алаңдарынан жүзеге асырылады. Өндіріс Volkswagen-нің Қытайдағы бірлескен кәсіпорны – FAW-Volkswagen зауыттарында орындалады. Бірінші деңгейдегі 2 000-ға жуық жеткізушімен серіктес бола отырып, FAW-Volkswagen тұрақты өндірістік және логистикалық тізбекті қалыптастырды. Компания сонымен қатар 1 500-ден астам дилерлік кәсіпорынмен жұмыс істейді, бұл клиенттерге жоғары деңгейде қызмет көрсету мен қолдауды қамтамасыз етеді.
Volkswagen брендінің Қазақстандағы дамуы дилерлік және сервистік инфрақұрылымның кеңеюімен ұласады. 2030 жылға қарай Orbis Auto Volkswagen дилерлік орталықтарының желісін 22-ге дейін арттыруды, түпнұсқа қосалқы бөлшектердің тұрақты жеткізілімін қамтамасыз етуді және Volkswagen Group-тың бірыңғай қызмет көрсету стандарттарын сақтауды жоспарлап отыр.
Қазақстан нарығына жеткізілетін Volkswagen автокөліктеріне 3 жыл немесе 100 000 км жүріске кепілдік беріледі.
