Visa жаһандық төлем желісі мен жасанды интеллектің жетекші платформаларының бірінің мүмкіндіктерін біріктіре отырып, бұлсеріктестік транзакциялардың ыңғайлылығы мен қауіпсіздігін қамтамасыз етуге, сондай-ақ коммерция саласында ЖИ-агенттердіқолдану аясын кеңейтуге бағытталған.
Visa серіктес платформаларында Visa-ның ыңғайлы әрі сенімді агенттік транзакцияларын қамтамасыз ету мақсатында OpenAI компаниясымен стратегиялық ынтымақтастық туралы жариялады. Бұл туралы Сан-Франциско қаласында өткен Visa Payments Forum барысында белгілі болды. Серіктестік аясында Visa пайдаланушылар мен бизнестің әрбір транзакцияға және өзара іс-қимылға сеніммен қарай алатын агенттік коммерцияны дамыту үшін өзінің жаһандық төлем желісіне, төлем деректерін сәйкестендіру құралдарына және қауіпсіздік инфрақұрылымына қолжетімділік ұсынады.
Бұл серіктестік жаңа цифрлық алаңдарда қауіпсіз төлемдерді кеңейтуге бағытталған Visa-ның ауқымды Visa Intelligent Commerce бастамасының бір бөлігі болып табылады. Тұтастай алғанда, Visa мен OpenAI корпоративтік сценарийлерде агенттік ЖИ-ді енгізу мүмкіндіктерін, соның ішінде Codex базасындағы әзірлеушілерге арналған шешімдерді, сондай-ақ жұмыс процестерін автоматтандыру және диалогтік интерфейстер арқылы табиғи өзара іс-қимыл жасау құралдарын бірлесіп зерттейді.
Серіктестік аясында Visa-ның төлем мүмкіндіктері OpenAI сервистеріне біріктіріледі. Осының арқасында әзірлеушілер мен сатушылар ЖИ-агенттер бастамашылық еткен Visa төлемдерін қабылдаудың жеңілдетілген механизміне ие болады. OpenAI-мен бірлесіп жұмыс істей отырып, Visa сенімді және қауіпсіз транзакциялар үшін қажетті базалық желілік инфрақұрылымды, токенизация құралдарын және тәуекелдерді басқару механизмдерін ұсынады.
Төлемдер шығындар лимиті, сатушылар санаттары немесе міндетті растаулар сияқты нақты белгіленген пайдаланушы рұқсаттары, ережелері мен баптаулары шегінде жүзеге асырылады. Транзакциялар үшін Visa-ның токенизацияланған төлем деректері, сондай-ақ нақты уақыт режимінде авторизациялау және алаяқтықты бақылау құралдары пайдаланылады. Бұл жасанды интеллект негізіндегі жаңа төлем сценарийлеріне қауіпсіздік пен тұтынушыларды қорғаудың жоғары деңгейін қамтамасыз етуге мүмкіндік береді.
«Жасанды интеллект коммерцияны өз уақытындағы интернет немесе мобильді технологияларға қарағанда әлдеқайда түбегейлі өзгертеді, — деді Джек Форестелл (Jack Forestell), Visa-ның өнімдер және стратегия жөніндегі директоры. — ЖИ-агенттер экономиканың белсенді қатысушыларына айналып келеді, сондықтан Visa үшін транзакциялардың сенімділігін, қауіпсіздігін және үздіксіздігін қамтамасыз ету — басты басымдық. Біз OpenAI сияқты серіктестермен бірге дәл осындай инфрақұрылымды құрып жатырмыз».
«Болашақта коммерция бұдан да көп сценарийлер мен платформаларды қамтиды, ал агенттер адамдарға сатып алулар мен төлемдерден бастап күрделі қаржылық операцияларға дейінгі ақшалай міндеттерді шешуге белсенді түрде көмектесетін болады, – деп атап өтті Марко Марус (Marco Mahrus), OpenAI-дың серіктестік және коммерция бағытының басшысы. — Visa Intelligent Commerce-пен бірігудің арқасында біз пайдаланушының бақылауымен қауіпсіз әрі ашық агенттік транзакцияларға арналған инфрақұрылымды жасап жатырмыз. Бұл адамдарға өз төлемдерінің сенімді әрі қауіпсіз өңделетініне нық сенімді бола отырып, ЖИ-агенттердің мүмкіндіктерін кеңінен пайдалануға жол ашады».
