CCI Kazakhstan Top Employer Institute нұсқасы бойынша 2026 жылдың үздік жұмыс берушісі атанды. Бұл мәртебе компаниядағы корпоративтік мәдениеттің жоғары деңгейін және таланттарды дамытуға бағытталған жүйелі жұмысты тағы бір мәрте дәлелдейді. Сонымен қатар, марапат қызметкерлердің әл-ауқатын арттыруға, әйелдерді қолдауға, жас мамандарды дамытуға және қолайлы жұмыс ортасын қалыптастыруға негізделген компанияның тұрақты стратегиясының нәтижесі болып табылады.
Бұл бағытта әйелдер көшбасшылығын дамыту ерекше рөл атқарады. Әйелдердің бастамалары оқытуға, менторлыққа және цифрлық құзыреттерді дамытуға деген сұранысты арттырып, өзгерістердің маңызды қозғаушы күшіне айналды. Women’s Network CCI Kazakhstan платформасы бірнеше жыл ішінде компанияның стратегиялық бастамаларының біріне айналды. Оның президенті Ирина Ошурова атап өткендей: «Бүгінде біз әйелдерге тең мүмкіндіктер берілетін, көшбасшылық қасиеттерін дамытуға және негізгі жобаларға қатысуға жағдай жасайтын ортаны қалыптастырдық».
Таланттарды дамыту барлық деңгейде жүйелі түрде жүзеге асырылуда. Next Talent, Train to Field, Train to Plant, Tech Champion және Generation бағдарламалары компанияның кадрлық резервін қалыптастырып, студенттер мен түлектерге нақты жобаларға бірден қатысуға мүмкіндік береді. Мысалы, Next Talent бағдарламасының қатысушысы Дәмелі Аманова былай дейді: «Мен алғаш күннен бастап талдау мен дербес шешім қабылдауды талап ететін міндеттерге тартылдым. Тәлімгерлердің қолдауы менің тез дамып, тұрақты қызметке сенімді түрде өтуіме көмектесті». Бұл тәсіл кәсіби дамудың табиғи жолмен өтуін қамтамасыз етіп, командаішілік өсу мәдениетін нығайтады.
Қызметкерлердің белсенділігі мен әл-ауқатын қолдауда well-being бағыты да маңызды орын алады. CCI Care бағдарламасы физикалық, менталдық және әлеуметтік денсаулықты қамтиды. Оның аясында спорттық іс-шаралар, психолог кеңестері, массаж, цифрлық ресурстар және онлайн қолдау қызметтері ұсынылады. Talent & Capability Development Manager Индира Турлинова атап өткендей: «CCI Care – қызметкерлердің денсаулығын, эмоционалдық тұрақтылығын және өнімділігін қолдауға бағытталған кешенді жүйе». Әсіресе эмоционалдық денсаулық, дұрыс тамақтану және физикалық белсенділікке арналған бастамалар қызметкерлер тарапынан жоғары бағалануда.
Компанияның корпоративтік бенефиттер пакеті қызметкерлердің қажеттіліктері мен нарық тәжірибесін талдау негізінде қалыптастырылады. Оның құрамына қызметтік тасымал, тамақтану, сусындар, өмірді сақтандыру, well-being бағдарламалары және сыйлық сертификаттары кіреді. Қазіргі уақытта компания flexible benefits форматына көшу мүмкіндігін де қарастыруда.
Top Employer 2026 мәртебесіне ие болу – CCI Kazakhstan компаниясының адамдармен жұмыс істеудегі жүйелі тәсілінің, кері байланысқа ашықтығының және бағдарламаларды қызметкерлердің нақты қажеттіліктеріне бейімдеуге дайын екендігінің айқын дәлелі. Компания алдағы уақытта да әр қызметкердің кәсіби дамуына және мансап жолының барлық кезеңінде қолдау сезінуіне мүмкіндік беретін орта қалыптастыруын жалғастырады.
***
Coca-Cola İçecek (CCI) – Түркияның Anadolu Group құрамына кіретін трансұлттық сусын өндіруші компания. Компания Түркияда, Пәкістанда, Қазақстанда, Иракта, Өзбекстанда, Бангладеште, Әзербайжанда, Қырғызстанда, Иорданияда, Тәжікстанда, Түрікменстанда және Сирияда жұмыс істейді.
CCI The Coca-Cola Company және Monster Energy Beverage Corporation компанияларының газдалған және газдалмаған сусындарын өндіреді, таратады және сатады. Сонымен қатар, Anadolu Etap İçecek (Anadolu Etap Penkon Gıda ve İçecek Ürünleri Sanayi ve Ticaret Anonim Şirket) еншілес компаниясы арқылы жеміс концентратын шығарады.
CCI компаниясында 10 000-нан астам қызметкер жұмыс істейді, 12 елде 36 құю зауыты және 3 жеміс өңдеу зауыты бар. Компания 600 миллион адамды қамтитын нарыққа кең ассортименттегі сусындарды ұсынады. Өнім портфеліне газдалған сусындардан бөлек, шырындар, су, спорттық және энергетикалық сусындар, салқын шай мен кофе кіреді.
CCI акциялары Стамбул қор биржасында (Borsa Istanbul Stock Exchange) “CCOLA.IS” тикерімен саудаланады.
